मितिः २०७६।१०।०६
साप्ताहिक समाचार

१. मुल्याङ्कन समितिको निरिक्षण

आम्दा नेपाल र यु.एन.एच.सि.आर बीच भुटानी शरणार्थीहरूका लागि स्वास्थ्य सेवा परियोजनाको सन् २०१९ मा संचालित कार्यक्रमको मुल्याङ्कन गर्न समाज कल्याण परिषद्बाट गठित (कपिल पोखरेल (विज्ञ), एन्तोष प्रधान (प्रतिनिधि, गृह मन्त्रालय) र केशब चालिसे (प्रतिनिधि, समाज कल्याण परिषद्ण) मुल्याङ्कन समितिले मिति २०७६।१०।०२ देखि २०७६।१०।०४ सम्म परियोजना सम्बद्ध कार्यक्रमहरूको मुल्याङ्कन सम्पन्न भयो । उक्त समितिलार्इ आवश्यक समन्वय तथा सहजता गर्न आम्दा नेपाल केन्द्रीय कार्यालयबाट बरिष्ठ अधिकृत अच्युत सापकोटाको समेत सहभागिता रहेको थियो ।

२. स्तन तथा पाठेघरको मुख क्यानसर परीक्षण शिबिर

आम्दा नेपाल र गोकर्णेश्वर नगरपालिकाको संयोजनमा मिति २०७६ माघ ४ गते नगरपालिका क्षेत्रका जनसमुदायहरूलार्इ लाभान्वित हुनेगरि स्तन तथा पाठेघरको मुख क्यानसर परीक्षण शिबिर सम्पन्न भयो । उक्त शिविरको उद्घाट गोकर्णेश्वरका प्रमुख श्री सन्तोष चालिसेबाट सुसम्पन्न भयो । उक्त शिविरमा नगरपालिकाका उपप्रमुख, नगरपालिकाका प्रतिनिधि लगायत आम्दा नेपालका अध्यक्ष डा. अनिल कुमार दास, आम्दा नेपालका अन्य प्रतिनिधि र कर्मचारीहरूको सहभागिता रहेको थियो । उक्त शिविरमा १११ जनाको नाम दर्ता भएकोमा १४ जना विशेषज्ञ चिकित्स तथा स्वास्थ्यकर्मी तथा स्वमंसेवकहरूबाट नाम दर्ता गराएका मध्ये ५७ जना जनसमुदायहरू लाभग्राही हुनुभएको छ । शिविर मार्फत बाँकी रहेका जनसमुदायलार्इ समेत समेट्दै निरन्तर संचालन गर्दै जाने व्यवस्था आम्दा नेपालले मिलाएको व्यहोरा जानकारी गरियो ।

३. CPAC Meeting

AMDA MINDS को आयोजनामा AMDA MINDS अन्तर्गत संचालित आम्दा मातृ शिशु परियोजनाको केन्द्रीयस्तरको CPAC Meeting समाज कल्याण परिष्दमा मिति २०७६।०९।२८ (१३ जनावरी २०२०) मा सम्पन्न भयो । उक्त बैठकमा विभिन्न मन्त्रालयहरूका प्रतिनिधिहरू, आम्दा माइण्डसका Country Director तथा प्रतिनिधीहरू र आम्दा नेपालका प्रतिधिहरूको सहभागिता रहेको थियो ।

४. कार्यकारिणी समिति बैठक सम्पन्न

आम्दा नेपाल कार्यकारिणी समितिका अध्यक्ष डा. अनिल कुमार दासको अध्यक्षतामा मिति २०७६।१०।०४ गते विभिन्न विषयहरूमा छलफल तथा निर्णयहरू गरि सम्पन्न भयो ।
धन्यबाद ।