२०८० कार्तिक १६ गतेका दिन आम्दा-नेपाल, सिद्धार्थ बाल तथा महिला अस्पतालको २५औं वार्सिकोत्सव उत्साहका साथ सम्पन्न भयो । सम्माननीय प्रधानमन्त्री श्री पुष्पकमल दाहाल ‘प्रचण्ड’ ज्यू प्रमुख अतिथि रहनुभएको उक्त समारोहमा लुम्बिनी प्रदेश प्रमुख लगायत प्रदेश एवं स्थानीय गन्यमान्य व्यक्तित्वहरूको उपस्थिति रहेको थियो । त्यसैगरि आम्दा इन्टरनेशनलका अध्यक्ष प्रा. डा. शिगेरू सुगनामी तथा आम्दा-नेपालका अध्यक्ष डा. अनिल कुमार दासज्यूको उपस्थिति समेत रहेको थियो ।समारोहमा प्रमुख अतिथिबाट शैक्षिक कार्यक्रमको शुभारम्भ, २०० शैया अस्पताल भवनको शिलान्यास, २५औ वार्सिकोत्सव स्मृति स्तम्भको अनावरण र पुस्तकालय भवनको शिलान्यास भएको थियो । कार्यक्रममा संस्थालाई योगदान पुर्याउने व्यक्तित्व एवं लामो समय सेवा पुर्याउने कर्मचारीहरूलाई सम्मानित समेत गरिएको थियो ।
कार्यक्रमलाई स्थानीय ३ वटा टेलिभिजन च्यानलले प्रत्यक्ष प्रसारण गरेका थिए भने राष्ट्रिय एवं स्थानीय पत्रपत्रिकाले प्रमुखताका साथ प्रकाशन गरेका थिए ।