आम्दा-नेपाल
सिद्धार्थ बाल तथा महिला अस्पताल
दीपनगर, बुटवल-७, रूपन्देही

साप्ताहिक गतिविधि

प्रकाशन मितिः २०८०।०३।१८ गते, सोमवार 
अवधिः वि.सं. २०८०।०३।०४ देखि २०८०।०३।१० गतेसम्म (ई.सं. २०२३,२५औं हप्ता)
साप्ताहिक अंक: २५/२०२३

१. बुटवल उप-महानगरपालिका-११, बुद्धनगरमा नि:शुल्क शिविर संचालन   

मिति २०८०/०३/०४ गते सोमवारका दिन बुटवल उप-महानगरपालिका -११, बुद्धनगरमा पाठेघरको मुखको क्यान्सर, स्तन क्यान्सर तथा बालबालिकाहरूको पोषणको अवस्था सम्बन्धि नि:शुल्क स्वास्थ्य शिविर संचालन भयो । बुटवल उप-महानगरपालिका, नगर कार्यपालिकाको आयोजनामा सम्पन्न उक्त शिविरमा आम्दा-नेपाल, सिद्धार्थ बाल तथा महिला अस्पतालको प्राविधिक सहयोग रहेको थियो । उक्त शिविरमा २३९ जना महिलाले पाठेघर एवं स्तन परिक्षण गराएकोमा ६० जनाको PAP smear जाँच गरिएको थियो भने ४ जनालाई रिङ्ग प्रेसरी लगाइएको थियो । बढी जनसंख्या र आर्थिक रूपले विपन्न समुदायको बसोबास रहेको वडा भएकाले पहिलो शिविर वडा नम्बर ११ मा संचालन भएपनि क्रमशः बुटवल उप-महानगरपालिकाका सम्पूर्ण वडाहरूमा यस्तो शिविर संचालन गरिने जानकारी उपमहानगर प्रमुख श्री खेलराज पाण्डेय एवं सि.बा.म. अस्पतालका प्रमुख डा. राजेन्द्र प्रसाद बस्यालले दिनुभयो ।

२. पत्रकार महिलाहरूका लागि नि:शुल्क शिविर संचालन     

बुटवल क्षेत्रका पत्रकार महिलाहरूलाई लक्षित गरि आम्दा-नेपाल सि.बा.म. अस्पतालमा “पत्रकार महिलाहरूको पाठेघरको मुखको क्यान्सर, स्तन क्यान्सर स्क्रिनिंग तथा १४ वर्ष मुनिका बालबालिकाहरूको पोषण अवस्था परिक्षण सम्बन्धी नि:शुल्क स्वास्थ्य शिविर” संचालन भएको छ । मिति २०८०/०३/०६ गते संचालित उक्त शिविरमा पाठेघर तथा स्तन परिक्षण गराएका ४२ महिला पत्रकारहरू मध्ये २२ जनाको PAP smear जाँच गरिएको थियो । बुटवल उप-महानगरपालिकाले आयोजना गरेको उक्त शिविरमा आम्दा-नेपाल, सिद्धार्थ बाल तथा महिला अस्पतालको  प्राविधिक भूमीका रहेको थियो ।                                                                                 

३. नियमित सरसफाई कार्यक्रम   

अस्पतालले प्रत्येक शुक्रवार गरिरहेको अस्पताल सरसफाई कार्यक्रमलाई २०८०/०३/०८ गते पनि निरन्तरता दिएको छ । यस अन्तर्गत अस्पताल परिसरलाई सरसफाई गरि स्वच्छ, सफा र आकर्षक राख्नका लागि सबै जनाको सहभागितामा निरन्तरता दिईदैआएको छ ।

४. तस्बिरहरु
 

महिलाहरू पत्रकारका नि:शुल्क शिविर_आम्दा-नेपाल सि.बा.म. अस्पतालमा_ 20800304