Published Date: 2024-07-28
Expiry Date: 2024-08-03
आम्दा नेपाल
सिद्धार्थ बाल तथा महिला अस्पताल
बुटवल-७, दीपनगर, रूपन्देही
साप्ताहिक गतिविधि
सिद्धार्थ बाल तथा महिला अस्पताल
बुटवल-७, दीपनगर, रूपन्देही
साप्ताहिक गतिविधि
प्रकाशन मितिः २०८१।०४।२१ गते, सोमवार
अवधिः वि.सं. २०८१।०४।१३ देखि २०८१।०४।१९ गतेसम्म (ई.सं. २०२४, ३१औं हप्ता) ।
साप्ताहिक अंक: ३१/२०२४
१. डा. सिगेरू सुगानामिद्वारा सि.बा.म. अस्पताल भ्रमण
मिति २०८१/०४/१५ गतेका दिन आम्दा इन्टरनेशनलका अध्यक्ष डा. सिगेरू सुगनामीद्वारा सि.बा.म. अस्पताल, बुटवलको भ्रमण सम्पन्न भयो । भ्रमण टोलीमा आम्दा-नेपाल अध्यक्ष डा. सुनु दुलाल, कार्यक्रम निर्देशक श्री सुदेश रेग्मी तथा आम्दा इन्टरनेशनलका परियोजना प्रबन्धक श्री अर्चना श्रेष्ठको सहभागिता रहेको थियो । भ्रमण टोलीलाई सि.बा.म. अस्पताल मे.सु. डा. बिनोद कुमार पराजुली तथा स्थानीय व्यस्थापन समिति सदस्य श्री जीवन प्रसाद वझाद्वारा गौतम बुद्ध अन्तर्राष्ट्रिय विमानस्थलमा स्वागत गरिएको थियो । भ्रमण टोलि तथा स्थानीय व्यवस्थापन समिति अध्यक्ष मेयर श्री खेलराज पाण्डेज्यू तथा उपाध्यक्ष श्री हरि अर्यालज्यू लगायत स्थानीय व्यवस्थापन समिति पदाधिकारीहरूसंग अनौपचारिक भेटघाट हुनुका साथै मिति २०८१/०४/१६ गतेका दिन सम्पन्न स्थानीय व्यवस्थापन समिति बैठकमा आमन्त्रितका रूपमा सहभागिता जनाई मिति २०८१/०४/१६ गते फिर्ता भएको थियो ।
२. स्थानीय व्यवस्थापन समिति बैठक सम्पन्न
मिति २०८१/०४/१६ गतेका दिन आम्दा-नेपाल, सिद्धार्थ बाल तथा महिला अस्पताल स्थानीय व्यवस्थापन समिति बैठक सम्पन्न भयो । अध्यक्ष मेयर श्रीमान खेलराज पाण्डेज्यूको अध्यक्षतामा सम्पन्न बैठकमा आम्दा इन्टरनेशनलका अध्यक्ष डा. सिगेरू सुगनामी, आम्दा-नेपाल अध्यक्ष डा. सुनु दुलाल, कार्यक्रम निर्देशक श्री सुदेश रेग्मी तथा आम्दा इन्टरनेशनलका परियोजना प्रबन्धक श्री अर्चना श्रेष्ठ आमन्त्रितका रूपमा सहभागी रहनुभयो । बैठकले विभिन्न प्रस्ताव उपर छलफल गर्नुका साथै आवश्यक निर्णय गर्यो । बैठक पश्चात बुटवल उप-महानगरपालिका, बुटवल उद्योग वाणिज्य संघ तथा सि.बा.म. अस्पतालका तर्फबाट आमन्त्रितहरूलाई मायाको चिनो प्रदान गर्दै सहभागिताका लागि धन्यवाद व्यक्त गरियो ।
| तस्विरहरू: | |
 |
 |
| विमान स्थलमा भ्रमण टोलि सदस्यहरूको स्वागत | स्थानीय व्यवस्थापन समिति पदाधिकारीहरूद्वारा स्वागत |