Published Date: May 03, 2019
साप्ताहिक मुख्य समाचार तथा गतिविधिहरू (२०१९/०५/०३): Expiry Date: Nov 30, -0001
१. आम्दा अस्पताल, दमकको आन्तरिक व्यवस्थापन समिति र शैक्षिक भवन निर्माण समितिको बैठक समितिका अध्यक्ष डा. नविन ढकाल ज्यूको अध्यक्षतामा मिति २०७६/०१/१९ गते सम्पन्न भएको छ ।
२. प्रदेश नं. ३ को आर्थिक तथा आम्दा अस्पताल, दमकको प्राविधिक सहयोगमा २१ दिने ग्रामिण भिडियो एक्सरे (RUSG) तालीम मिति २०७६/०१/१६ गतेबाट विधिवत रूपमा आम्दा अस्पताल, दमकमा सञ्चालन भएको छ । उक्त तालीममा धादिड., सिन्धुपाल्चोक, नुवाकोट र आम्दा अस्पतालबाट गरि जम्मा ६ जना सहभागी भएका छन ।
३.स्वास्थ्य सेवा विभाग, परिवार स्वास्थ्य महाशाखा, टेकु, काठमाडौको आयोजनामा मिति २०७६/०१/१९ देखि २०७६/०१/२० गते सम्म सञ्चालन हुने 2nd Trimester Abortion सेवाको सेवा प्रदायकहरूको २ दिने Networking Meeting मा आम्दा अस्पताल, दमकबाट डा. प्रकाश शर्मा (सिनियर कन्सल्टेन्ट) सहभागी रहनु भएको छ ।
४. स्वास्थ्य निर्देशनालय, धनकुटा र निक साइमन्स इन्ष्टिच्यूटको आयोजनामा स्वास्थ्य तालीम केन्द्रबाट मिड लेभल प्राक्टिकम (MLP) तालीम प्राप्त गरेका ताप्लेजुड. जिल्ला अन्तर्गतका स्वास्थ्य सस्थाहरूमा कार्यरत स्वास्थ्यकर्मीहरूलाई मिति २०७६/०१/०९ देखि २०७६/०१/१४ गते सम्म ज्ञान तथा सिप अभिवृद्दि कार्यक्रम (Follow-up Enhancement Program) सञ्चालनका लागि आम्दा अस्पताल, दमकबाट एम.एल.पि. प्रशिक्षक/मेडिकल अधिकृत डा. मुना के.सी.लाई कार्यक्रममा खटाईएको छ ।
५. आम्दा अस्पताल, दमकको आ.व. २०७६/०७७ को अनुमानित आयव्याय, नीति, योजना तथा कार्यक्रमहरू साधारण सभामा अनुमोदनका लागि प्रस्ताव पेश गरिएको छ ।