१९७ औं अर्न्तराष्ट्रिय नर्सिङ्ग दिवश विभिन्न कार्यक्रमकासाथ सम्पन्न

Publish Date: 2017-05-14

आम्दा अस्पताल तथा आम्दा स्वास्थ्य विज्ञान प्रतिष्ठान, दमकको संयुक्त आयोजनामा १९७ औं अर्न्तराष्ट्रिय नर्सिङ्ग दिवश "दिगो विकास लक्ष्य प्राप्तिमा नर्सको भूमिका" (2017 - Nurses: A VOICE TO LEAD - ACHIEVING THE SUSTANABLE DEVELOPMENT GOALS) नाराका साथ मिति २०७४।०१।२९ गते सम्पन्न गरियो । दिगो विकास लक्ष्य प्राप्तिमा नर्सको भुमिका भन्ने नाराका साथ दमक नगर परिक्रमा गरियो । उक्त कार्यक्रममा आम्दा नेपालका अध्यक्ष तथा कार्यक्रमका प्रमुख अतिथि श्री डा. योगेन्द्र प्रसाद सिहले अस्पतालमा उपचारार्थ भर्ना भएका ८६ जना विरामीहरूलार्इ फलफुल समेत वितरण गर्नुभयो । साथै प्रमुख अतिथि डा. सिहले आम्दा नेपाल मातहतमा संचालित विभिन्न कार्यक्रमहरूका वारेमा समेत जानकारी गराउदै नर्सहरूले उच्च मातृ मृत्युदर तथा वाल मृत्युदर घटाउनमा  हरेक तह र तप्कामा उल्लेखनिय सहयोग गरेको वताउनु भयो । व्यक्ति र  समुदायको स्वास्थ्यमा सुधार गर्नु यसका लागि नर्सले प्रतिकारात्मक, प्रबधनात्मक सेवा प्रदान गर्नुका साथै शारिरिक रूपमा असक्त मानसिक समस्या भएका विभिन्न किसिमका अवस्थामा र स्थानामा नर्सहरूले सेवा पुर्रयाउदै एको व्यहोरा अस्पतालका मेडिकल सुपरिन्टेण्डेन्ट डा. नविन ढकालले वताउनु भयो ।

दिगो विकास लक्ष्य प्राप्तिमा सवै नर्सहरूमा एउटै अवाज हुनुपर्छ र त्यो अवाज परिवर्तनका लागि हुनुपर्छ । साथै प्राविधिक र दक्ष्य सेवा सुरक्षित र प्रभावकारी ढंगले सवै तहमा पुरयाउनु पर्छ भन्ने धारण कार्यक्रमका सभापती तथा अस्पतालका मेट्रोन श्री टिका सुवेदीले व्यक्त गर्नुभयो ।